U DC ka West Khasi Hills District da pyntip u najrong wa da khang ya 57 tylli ki karkhana Coke wa krehkaam pyrchah ya ka aiñ hapoh ka District deiwa tympra leh ya ki tyndur wa da pynemkaam iwa da leh nadooh u Thohlakhmi (Feb) 2023 hadooh u Naitung (Apr) 2023 da kem leh ya 6 ngut ki bru.
Da pyntip leh wa da em 4 tylli ki karkhana Coke kiwa da krehkaam khlem da yoh CTE wa CTO wei kini toh ka M/s Shemphang Riangshiang, Pyndeng Jalong, Doranggri, Shallang. Ka M/s Rilyngngm Coke Industries, Kyllon Mathei, Shallang. Ka M/s M.D. Coke Industries Nongdakong Village, Shallang. Ka M/s Carbochem India, Nongdakong Village, Shallang wei kini toh kiwa da khang nadooh ka 19-05-23.
Kamtæ da pyntip wa na ki 57 tylli kiwa da khang, da yoh bor leh wow lai tympdung sa ki toskhana ki kiwa da krehkaam khlem ka CTE iwa da sdang nadooh ka 8 tarik uni u bnai heiwa da dep wow lai tympdung ya 13 tylli kiwa em ha Nonglangpar (Kyllonmathei).
Chooh chooh da ong wa waroh kini ki toskhana u lai tympdung hapoh 30 sngi deiwa kheiñ nadooh ka 7 tarik uni u bnai.
Da pynkrehkaam leh ya ka Section 144 CrPC haka 11 tarik uni u bnai yow khang yei lai ki bru hapoh 1 Km na i thaw wa em kini ki karkhana Coke wa pyrchah ya ka aiñ.
Discussion about this post