Ka ILP toh ka phang ka sorkar pyrdi ymtoh wa ka sorkar jylla da pynwiar ko ya ini i dawa

Ka Montri wa pait ya ka chnat Aiñ ha ka jylla, ka Dr. Mazel Ampareen Lyngdoh da ong ko wa ka Inner Line Permit (ILP) toh i kaam yong ka sorkar India wei yow pynkrehkaam ya ka da emkaam wow yoh mynjur na ka sorkar pyrdi.

Hawa kylli hajrong i klam u Prestone Tynsong cha kiwa yahkhmat ka HYC deiwa ong wa ki Montri sorkar daw lai ki cha Delhi yow booddien yei dawa ILP, neiliang ka Dr. Ampareen kawa man leh kam kawa e ktien ka sorkar MDA-II, da ong ko wa ya ini dang hap wow yang yei pynsñiaw yong u Montri Rangbah uwa em katni ha Delhi yow yaklam ya ini i kaam.

Heijooh i por ka Montri da ong ko wa ka sorkar ym kwah ko wow pynsahteiñ ya ini i kaam, wei ki paidbah ym toh u sñiaw ki wa ka sorkar da pynwiar ko ya ini i kaam, wei ki paidbah hap ki wow tip yei sakhiat wa ha ka synchaar ar sorkar em chiboon ki kyndon wa hap u bood.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Hawa yatoh wa i tipmit noh ya ka ktien Khasi hapoh ka 8^th Schedule yong ka Constitution ka ri, ka Ampareen da ong ko wa emkaam yei ya krehlang neibhah wa kamwa man katni kiwa boon kiwi ki dang yang laiñ ki yow yoh yei tipmit ya ka ktien yong i.

Hawa yatoh wa i pynsñiaw ka Khasi Authors’ Society (KAS) wa ka sorkar ym chimkhia ko ya ini i kaam, da ong ko wa ym yahaap wow pynbaad wa ka sorkar ym em chimkhia ko. Da ong chooh chooh ko wa ka KAS ym ye ko wow leh hi næ lai yaklam hi hajrong kani ka phang cha Delhi, wei ka KAS ye ko leh wow ya krehlang waka sorkar.