Ka District Joint Steering Committee for Rabies Elimination, East Khasi Hills deiwa ya krehlang wa ka chnat Health, Veterinary, Shillong Municipal Board, ki NGO, kiwa yahkhmat chnong da leh warom ki ya ka World Rabies Day 2025 ha ka 26 tarik ha Lumparing Sports Club Indoor Hall hajrong ka phang wa ong “ACT NOW: YOU, ME AND THE COMMUNITY.”
Da wan wow chimbynta da u Sanbor Shullai, MLA ka South Shillong uwa man leh u Montri ka chnat Animal Husbandry & Veterinary kam u kongsan deiwa emlang ka P.K. Sangma, Additional Deputy Commissioner, East Khasi Hills kam ka symbood kongsan.
U Montri hawa e yei klam da ong u wa emkaam wow e tika ya ki ksaw wei lada em kiwa chah dait wow lai wut-wut cha ki thaw sumaar najrong wa pait sylli bha ya ki ksaw wa khlem tre neibhah ini waroh toh iwa ye u yada.
U Dr. R.R. Marak, District Nodal Officer, NRCP, da pyntip u wa ha Meghalaya da em palat 19,000 sien i chah dait ksaw ha chi snem wei na kini ki 5,000 sien toh iwa jia ha East Khasi Hills heiwa ha uni u snem da em 15 ngut kiwa dadep yap, kamtæ ymtoh u kheiñstiñ yeini.
Ha East Jaiñtia leh da pynman da ka World Rabies Week 2025 ha Conference Hall ka Wiki Guest House Khliehriat ynnin ka sngi heiwa da pynman leh ya ka lai piadbah ha kiwa boon ki dong ka Khliehriat wa ha u sarokbah NH-6.
U S.R. Marak, ADC hawa e yei klam da kynmoo u leh yeiwa oo dadep chah dait ksaw u deiwa ong wa ini toh iwa da neh hei pyrkhat waroh chi rta, kamtæ da emkaam wow e tika ya ki ksaw.
U District Surveillance Officer, East Jaiñtia Hills District, u Dr. L. Sungoh da khana u wa lada chah dait ksaw to u sait yei kha khlem sangeh kamwa 15 minit haroh chwa wow lai cha Hospital yow chim yei Inject.
Da pynynmoo leh ya ki tre ksaw wow e dawai tika mar ya dap u ksaw 3 bnai.
Discussion about this post