Jowai : Kattu la ar tayaw nadooh wa wiar kawi ka khynnah wa dang 11 snem i rta ya kawa pyrtuid ka Risa Talang kawa man leh ka khon yong ka Silda Talang wa u Kilo Yadav na ka chnong Khliehchnong Nongjngi. Kani ka khynnah da wiar ko nadooh ka 15 tarik uni u bnai na i yung wa sah ko ha Lad Sutnga tangwa hadooh ynne ka sngi ym pu chem ya ka.
Kani ka khynnah katkam ka yutip wa da yoh da ong wa da sah ko wa kawi ka bru kawa da tip pyrtuid kam ka Agnes Dkhar ha Lad Sutnga wei da sah ko heini dang du chi bnai tam, weiwa da thmu leh wow yarap pynlai skur ka kong Agnes ka, kawa man leh ka lok wa yajan wa ka bei kani ka khynnah (ka kong Silda).
Da yoo khaddooh ya kani ka khynnah heiwa da sap ko da ka phrok rong yirngam wa ki slipar jri. Kiwa hayung yong ka da dep ujor ki cha ki pulit ka Khliehriat Police Station nadooh ka 16 tarik.
Kiwa ha yung yong ka da kyntu ki ya ki paidbah wa lada em wa yoo næ tip ki chapahang yong ka wow sñiawbha phone ha kini ki number : 9615105494 / 9856037176.
Discussion about this post