I yakhih wow pyrchah ya ka Citizenship Amendment Act (CAA) ha nongbah New Delhi dang joor i wot hadooh kini ki sngi.
Ha kini ki ar sngi da mih i awri hapyrdi ki ar liang kiwa kynthup ya kiwa pyrchah wa kiwa kyrchaan ya kani ka aiñ thymme ka sorkar pyrdi.
Hadooh ynne da pyntikna wa da yap 20 ngut ha kini ki awri ha nongbah Delhi wa kynthup ya uwi u pulit.
Ha ini i awri da mynsoo leh da ki spah ngut ki bru.
Neidaw wa joor ini i awri neiliang ki bor sorkar da pynkrehkaam noh ki da ka Section 144 CrPC ha ka thaaiñ mihsngi (North-east) ka nongbah Delhi wei kani ka kyndon u krehkaam ko chi bnai.
Ynnin hapoh 24 kynta hadooh le tylli ki yalang khut u montri ka kaam pohyung ka ri, u Amit Shah wa kynthup ya u montri rangbah ka Delhi, u Arvind Kejriwal, wa ki heh ki chnat pulit.
U Shah da kyntu u leh ya waroh wow wanrah biang yei chongsuk.
Discussion about this post