La 3970 ngut kiwa da liwan, daw wan chooh kiwi da ki le tylli ki rel: Prestone

Shillong: U Symbood Montri Rangbah ka jylla, u Prestone Tynsong da pyntip u wa hadooh ynne da em 3970 ngut kiwa chong chnong wa sahkut cha kiwi ki jylla wa kynthup na North East kiwa da liwan cha ka jylla.

Hawa klam ynnne ka sngi, u Prestone da pyntip u wa kini kiwa da liwan ym em ki yaki dak ki chin wa chah ktah ha u COVID-19, wei ya kini hadien wa da dep wow leh ya ka Rapid Test da phah wow pyndep ya ka Quarantine ha jar jiar ki yung yong ki.

Katkam wa pyntip u Tynsong, laitnoh kiwa na ki jylla kiwa em ha North East, kiwa da liwan toh na West Bengal 116 ngut, Rajasthan 33 ngut, Madhya Pradesh 13 ngut, Bihar 8 ngut, Karnataka 7 ngut, Uttar Pradesh 7 ngut, Jharkhand 5 ngut, Tamil Nadu 5 ngut, Kerala 4 ngut.

Ha i jooh i por u Prestone da pyntip u wa i liwan yong kiwa chong chnong ka jylla daw pteiñ i ha kini ki sngi, ka wow sdang nadooh myntu i miet heiwa kawi ka rel kawa kit ya 1000 ngut ki nong Meghalaya daw mih ko na Chennai ha i por 9 waje myntu i miet wei daw wanpoi ko ha Guwahati ha ka 15 tarik uni u bnai. Kawi won ka rel ka wow pynpoi ya ki nong Meghalaya daw mih ko na Bangalore ha ka 16 tarik uni u bnai wei daw poi ko ha Guwahati ha ka 18 tarik, kani ka rel daw kit ko ya 1500 ngut kiwa chong chnong ka jylla. Katwa ka rel kawa le won kawa kit ya 225 ngut kiwa chong chnong ka Meghalaya daw mih ko na Gujarat haka 15 tarik wei daw poi ko ha Guwahati ha ka 17 tarik.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U Prestone da pyntip u wa kini waroh kiwa liwan toh kiwa da dep pynpsiah pyrtuid wow pyntip cha ka sorkar jylla, wei neiliang ka sorkar leh da pynkhreh ko ya iwa emkaam waroh wow pdiang ya kini kiwa chong chnong wei da pynkhreh leh ya ki Bus ki wow lai choo ya kini waroh na Guwahati.

Hawa yatoh won yei wym ye ka sorkar wow pyndep ya iwa emkaam ya kitu wa liwan ynnin ka sngi na Gujarat, kawa da pynman yaki wow yang ki hadooh 5 kynta, neiliang u Prestone da pdiang u wa em i tkoh ha i rukom krehkaam yong ki bor pynlai District neibhah wa man ko ha i por wym poi pyrkhat, wei neiliang u Montri da paan maap u leh ya ini i duna yong ka sorkar na kini kiwa liwan.