Shillong: Ka sorkar India da pynlait poisa ko cha ki jylla waphær waphær kawa da poi cha ka T. 6,195.08 klur wei na katai ka bhah, ka jylla Meghalaya da mang wow yoh T.40 klur.
Hawa kylli hajrong ini i yoh wa du T.40 klur ya ka jylla Meghalaya, u Prestone Tynsong uwa man leh u Symbood Montri Rangbah ka jylla da ong u wa em ki rukom krehkaam wa ka sorkar pyrdi da phah ko yaka poisa cha ki jylla waphær waphær.
Katkam i ong u Prestone, kani ka poisa 40 klur toh du katkam ka bhah (Percentage) wa da yoh na ka dan GST, deiwa pynrap leh wa ym toh u sñiawphylla wa kiwi ki jylla ye ki wow yoh rap boon, neibhah wa ka sorkar pyrdi khlem leh chiliang, tangwa em chiboon i e bhah wa ka jylla da yoh ko naka sorkar pyrdi.
Discussion about this post