La 402 tylli ki Case wa em pyrchah ya kiwa kit mooyong pyrchah aiñ

Katkam ka 22^nd Interim Report wa da e cha ka Meghalaya High Court heiyatoh waka mukotduma wa da yaleh da ka yung bichaar hi hajrong i tih mooyong pyrchah aiñ hapoh ka jylla, da e por ya ka sorkar jylla sa 45 sngi yow kit ya waroh u mooyong wa da dep chim yukheiñ.

Kani ka Interim Report toh kawa leh da ka Single Member Committee itæ u Justice (Rtd) B.P. Katakey heiwa ha kani ka kynti da pyntip wa da em 402 tylli ki Police Case ha kiwa boon ki District ka Meghalaya kiwa yatoh wa i kit mooyong pyrchah aiñ wei da chah pynngat hapoh ka Section 21 ka MMDR Act, 1957 wa kiwi de ki kyndon ka IPC nadooh u Naiynñiaw (Jul), 2019 hadooh u Thohlakhmi (Feb), 2024 wei ha kini ki jooh ki por da em 83 tylli ki Case wa da Register ha ki Police Station heiyatoh wa i tih mooyong pyrchah aiñ.

Na ki 402 tylli ki Case wa yatoh wa i kit ya u mooyong wa da tih pyrchah aiñ da em 65 tylli kiwa dang sahteiñ i takit wei na ki 83 tylli ki Case wa yatoh wa i tih mooyong pyrchah aiñ da em 50 tylli kiwa dang sahteiñ.

Related posts

Ki Khasi chah kyrriah ki na ki thaw chong dai katwa kiwa em ha Them Metor ym ye u pynkhih | Lai wah Banner ka HANM ha ki yung sah u CM

November 7, 2026

Pynkut kawi yei mynsien deiwa leh Live kawa man leh kawa yakhih yei hok ki ST

November 7, 2026

Neiliang ka Committee da phah ko ya u AIGP wow e jubab u hapoh ar tayaaw yei daw wa sahkut wei sahteiñ i takit.