U Commissioner and Secretary ka Health and Family Welfare Department ka sorkar Meghalaya da pyntip u wa da em 382 ngut ki bru wa kynthup ya 218 ngut ki Doctor, ki wakreh wa kiwa thiah kjut hapoh ka Bethany Hospital, Shillong kiwa da dep chah Test hadien wa pyntikna ya uwa yoh nyngkong ya u COVID-19 haka janmiet ka 13 tarik uni u bnai.
Na kini waroh 9 ngut toh kiwa da pyntikna wa yoh ya u COVID-19 wa kynthup ya uwa khlaad, 246 ngut toh kiwa ym em ya uni u khñiang wei dang yang yaka Result ki yong ka 127 ngut. Kiwa da pyntikna wa em ya uni u khñiang toh kiwa ha yung yong uwa yoh nyngkong wa kynthup ya ka wakreh kaam yung ki. Kiwi won ki Doctor wa ki wakreh wa kiwa chah sumaar ha Bethany Hospital ym em yoh ki ya uni u khñiang iwa da pyntikn deiwa leh yaka Test.
Waroh ki Doctor kamjooh ki wakreh ka Bethany Hospital, Shillong kiwa da dep leh yaka Test kiwa ym em ya u khñiang COVID-19 da booh yaki ha kiwa boon ki thaw wa leh Quarantine wa em ha Shillong. U neh ki ha kini ki thaw 14 sngi heiwa hadien ini daw chah yaki wow liwan yung ki. Lada ha kini ki sngi pynyoo ki yaki dak ki chin wa chitom, daw Test biang yaki.
Waroh kiwa em hapoh ki Quarantine Centres da e yaki jar jiar ki kamra, i paikhana wa iwa emkaam ki.
Ka Health & Family Welfare da dep kynjoh ktien ki ya 200 ngut ki wakreh Bethany Hospital kiwa da em haki jar jiar ki yung ki ki wa da leh yaka Home Quarantine. Na kini, 50 ngut da kheiñ toh kiwa em hei maa namo ki High-Risk Contacts wei yaki waroh leh daw phah Test. Ya kini waroh daw wanrah cha ki Quarantine Centres yow chim yeiwa emkaam naki (Samples). Lada chem wa man Positive ki, daw rah yaki cha Civil Hospital, Shillong (COVID- Designated Hospital). Lada man Negative ki, daw booh yaki hapoh Quarantine 14 sngi.
Yaki 150 ngut won kiwa ym em ware hei maa (Low-Risk) ki wakreh ka Bethany Hospital kiwa dang em hapoh Home-Quarantine, du kiwa em yaki dak ki chin daw Test yaki wei lada em ki ya u khñiang daw leh yaki katkam wa da kdaw haneiñ.
Nalor ki Doctor wa ki wakreh ka Bethany Hospital, la 5092 ngut ki bru wa da wan chakhmat wow pyntipmit lyngba u 108, u 1070 wa naka Online registration. Na kini 4622 ngut toh kiwa da wan na Bethany Hospital, Shillong hadien ka 22nd March wa na Bethany Hospital, Nongpoh hadien ka 30th March.
Ka Health and Family Welfare Department da phone ko man ki por cha kini yow boodien yei long i man ki yow pyntikan leh wa neh ki hapoh yung.
Da chem leh yaki bru wa 140 ngut ki bru wa da yachem wa kiwa da yoh ya u khñiang COVID-19, wei kiwa em yaki dak ki chin daw leh katkam ki kyndon wa da booh.
Kiwa ym em yaki dak ki chin u hap chong bait ki hapoh yung.
Discussion about this post