La 6 bnai dooh light ki ar tylli ki chnong

Jowai : Ki artylli ki chnong wa em hapoh ka Amlarem Block da dooh light ki kattu la kamwa 6 bnai neidaw wa sih ki Transformer ha ki chnong yong ki.

Kini ki ar tylli ki chnong toh ka Amlatdoh wa ka Amsarim heiwa ki waheh chnong ong ki wa da dep li yachem ki wa ki engineer ka MeECL hei yatoh wa ini tangwa ym em wa ap yeini i chem chitom ki.

Kamtæ neilaing ka seiñ HYC-West Jaiñtia Circle da lai ki cha kini ki chnong wei da chem ki wa ki transformer wa em ha kini ki thain da man sakhiat ki kiwa da sih wei da lai yachem won ki wa u sahep Raswai yong ka MeECL ha Jowai.

Uni u sahep toh uwa pait ya ka distribution yong ka MeECL heiwa oo da ong u wa kiwa chong chnong ym jooh su ki ya ka bill light yong ki kamjooh leh ym em transformer de ha Jowai yow kylliang thymme.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Neilaing ka seiñ HYC da ong ki wa lada duna ki transformer toh i kamram yong ka MeECL yow phah da kiwa thymme na Shillong.

Kamjooh leh ka seiñ da kyntu ko ya kiwa chong chnong yow su ki ya ka bill wei da kyntu leh ya ka MeECL yow pyrkhat ko ya kitu kiwa su bill neibhah ym toh waroh kiwa ym em su bill light.

Heijooh i por leh ka seiñ da ong ko wa ka sorkar jylla ka wa sorkar pyrdi i thong yong ki katni toh yow pynpoi bordiñ cha waroh ki chnong tangwa lada leh kamni heiwa 6 bnai dang pyndooh light da man kani ka thong ka wa sep ai.

Kani toh katkam ka khubor wa da pyllait da u President ka seiñ u D. Lathong.