Hadooh ynne ka sngi ka Japan da pyntikna ko wa kiwa yoh ya u khñiang COVID-19 hapoh ka jhaad Diamond Princess da kynjoh i cha ka 454 ngut kiwa kynthup leh ya ki nong India.
Ynnin ka Indian Embassy ha Tokyo da pyntikna ko da em 6 ngut kiwa yoh ya uni u COVID-19 hapoh kani ka jhaad wei dang em ki hapyrdi i chah sumaar.
Kini kiwa yoh ya u COVID-19 toh ki wakreh hapoh kani ka jhaad.
Da ong ko leh wa dang yaklam hi ko wa kiwi tawon ki nong India kiwa em hapoh ka Diamond Princess lyngba ka phone wa ki email.
Ka Embassy dang yaklam hi ko wa ka sorkar Japan wa kiwa pynlai ya ka jhaad hajrong i man i long ki nong India kiwa em hapoh ka jhaad.
Neiliang ka America da sai ko ya palat 300 ngut ki nong American kiwa em ha kani ka jhaad wa kynthup ya 14 ngut kiwa da tikna wa yoh ya uni u khñiang COVID-19 wei da kit yaki daka lieñsuiñ cha ka Military Base wa em ha United States hadien ar tayaw wa chah kset (Quarantine) hapoh kani ka jhaad ha Japan.
Waroh kiwa yoh ya uni u khniañg ki nong America da em ki 44 ngut wei boon na ki da rai ki wow neh hapoh kani ka jhaad.
Ha kiwi tawon ki khubor, kiwa pynman yaka Tokyo Marathon da rai ki wow pynduna ya kiwa ye u chimbynta ha kani ka yaphet Marathon ka wow pnynman haka 01-03-20 deiwa khang ya 38,000 ngut ki paidbah wa chimbynta wei u chah du ya kitu donhi kiwa yaphet wa da tipmit.
Ka Japan da pyntip ko leh wa daw pyndam ko yei klam paidbah u Emperor Naruhito haka sngikha u kawa jooh pynman haka 23 tarik uni u bnai yow lait na i wan ki paidbah kiwa jooh wan da ki hajar wow ap ya oo.
Discussion about this post