15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Yap sa 98 ngut na u COVID-19 ha China

0 Comments
Advertisement ad1
Advertisement ad1
Advertisement ad1

U khniang COVID-19 da pynyap u sa ya 98 ngut ki bru hapoh China iwa da poi waroh kattu cha 1,868 kiwa da yap. Kiwa dang yoh thymme ya uni u khniang da em ki 1,886 ngut iwa waroh nadooh wa sdang da em ki 72,436 ngut.

Kiwa yoh thymme ya u COVID-19 nadooh ka 30 tarik u bnai wa nyngkong da kynjoh bait ko 2000 ngut man ka sngi kamjooh kiwa khlaad kiwa da poi bait kamwa 100 ngut man ka sngi nadooh ka 11 tarik uni u bnai.

Du hapoh Hubei kiwa dang yap ynnin da poi ki 93 ngut wei waroh da poi ki 1,789 ngut. Kiwa dang yoh thymme ya uni u khniang da poi ki 1,807 ngut iwa da pynku ya kiwa yoh ya uni u khniang cha 59,989 ngut du hapoh kani ka Province.

Cha baar ka China, da em 827 ngut kiwa yoh ya uni u khniang ha ki 26 tylli ki ri wei da khlaad 5 ngut.

Uwi na ki Doctor wa paaw ka Hospital ha Wuhan da khlaad u na uni u khniang wei da man u u Doctor wa ar kani ka thaw wa da yap na uni u khniang.

Share this:
Previous

Kitbok ka CoMSO ya ka sorkar MDA wow ye wot u wanrah ya ka ILP

Next

La 6 ngut ki nong India wa yoh ya u COVID-19 ha ka Diamond Princess