U Montri ki kaam pohyung ka ri India, u Amit Shah ynnin ka sngi da booh mooyurim wei da wai paidbah u ya kiwa boon ki kaam ha Shillong wa kynthup ya ka Cryogenic Oxygen Plant wa ka Pediatric Ward ha Umsawali wa ya ka Inter-State Bus Terminus ha Mawiong.
U Amit Shah hawa e yei klam da ong u wa nadooh wa sdang ya ka sorkar u Narendra Modi ha u 2014, i pynyabi ya ka thaaiñ Northeast toh ka thong wa hakhmat dooh. “Manda ong i wa kwah ki wow pynyabi ya waroh ki nongbah ka thaaiñ Northeast, ka liang pyrchah jooh rkhai beiñ ki deiwa ong kiyi wow lai cheite wei neiyi i daw”. Da ong u leh wa ka sorkar u Modi thmu ko wow pynyabi ya ki nongbah waroh ka thaaiñ Northeast da ka sarok, ka rel wa na suiñ chwa u 2023-24.
Heiyatoh wa ka Inter-State Bus Terminus, da ong u wa da chna da ka sorkar India wa ka sorkar hei dor wa T. 50 klur.
Heiyatoh wa ka Meghalaya, da ong u wa da pyndep 67 tylli ki kreh (Project) wa chongdor kamwa T. 700 klur deiwa yarap ka sorkar pyrdi wa sa 38 tylli ki Project wa chongdor T. 800 klur toh kiwa dang lai chakhmat.
Da ong u leh wa ka sorkar pyrdi da e ko T. 650 klur neibynta ka Jackfruit Mission, Mushroom Mission, Silk Mission, Milk Missions wa ki kaam psan dakha.
