La 7 tylli ki metyap da ye wow chem na ka thaw tih mooyong hadien wa tympdung Dynamite iwa da jia ynne i step ha thaaiñ Thangskoo, Elaka Sutnga ka East Jaiñtia Hills District.
Kiwa yap ye ki wow ku chooh chooh, da pyntip u SP, u Vikash Kumar heiwa i thooh ya kiwa mynsoo wa kiwa yap dang pteiñ i.
Kini kiwa kreh ha kani ka thaw toh kiwa boon na baar jylla wei heipor wa jia ini da antaad wa em leh boon ngut wa em hapoh ka krem paar mooyong.
Da wan leh ki bru ka National Disaster Response Force (NDRF) wa ka State Disaster Response Force (SDRF) yow e yei yarap.
Ki le ngut kiwa da tipmit na kiwa khlaad toh u Faruk Ahmed uwa na chnong Bihara, Cachar District, u Dildar Hussain wa u Anwora Hussain kiwa waroh ar na ka chnong Sharisha Kuri ka Assam wei em leh ka khubor wa da ong wa em uwi uwa na East Jaiñtia Hills uwa da khlaad ha ini wa jia.
U SP da pyntip u leh wa em uwi uwa da mynsoo uwa da kit cha Sutnga PHC wei da kit won cha Shillong wei neidaw wa da sdang doom ym pu tip hadooh katwon ngut kiwa dang sahkut chapoh ka paar mooyong.
Discussion about this post