Hadien wa mih khubor heiyatoh wa i khayi tooh yaki masi wa da pynbaad toh iwa da emkti lang kiwa boon ki bru, neiliang u heh ki pulit ka Meghalaya u G.K. Iangrai, Asstt. Inspector General of Police (A) da ong uwa ini i kaam khayi tooh toh iwa leh da ki bru wa im-ja nei leh yaki kaam pyrchah yaka aiñ wei da man ko kam u moochynthut ha kiwa boon ki thaw ha Meghalaya kiwa em pood waka Assam kamjooh ka Bangladesh.
Da ong wa ki bru wa emkti ha ini i kaam da kreh ki khlem da chong ngiah na waroh arliang u pood wei da em leh boon ki masi kiwa chah tooh wei ka takit wei pynchitom katkam ka aiñ toh kawa dang lai chakhmat.
Ki Case wa da dep wow Register nadooh u snem 2016 hadooh ynne ka sngi da em ki 498 tylli heiwa na kini, da Charge Sheet ya 73 tylli, 205 tylli ki Case toh kiwa da kut haka Final Report katwa 220 tylli ki Case toh kiwa hap wow pynman yaka takit. Ki bru kiwa da dep wow chah kem heiyatoh wa kini ki kaam toh 229 ngut wei ki masi kiwa da yoh kem toh 7640 tylli.
Yow yaleh pyrchah ya ini, ki pulit da phah Circular ki cha waroh ki District Superintendent of Police yow man ki kiwa paitbniah bha deiwa leh da ki Patrolling, u pynman yaki yalang paidbah ha ki chnong ki thaw kamjooh wow ya krehlang wa kiwi ki chnat khamtam ha ki thaaiñ khappood waka Bangladesh.
Da dep leh wow pynman yaka yalang wa ki BSF, Animal Husbandry & Veterinary Department waka Dhyan Foundation ha Police Headquarters, Shillong haka 29-07-19 hapoh i pynlai u R. Chandranathan, IPS, Director General of Police, Meghalaya wow yaklam heiyatoh wa ini i khayi tooh yaki masi.
