U Chief Minister ka Assam, u Himanta Biswa Sarma da maham joor u ya kiwa pynsñiaw pyrchah ri ha ki Social Media khamtam iwa pynyoo ya i kyrchaan ya ka Pakistan.
Ini i maham wan i hadien i jia ha Pahalgam ha ka 22 tarik uni u bnai heiwa da em 26 ngut kiwa da yap.
U Himanta da ong u wa uwi u bru na Hajo, Kamrup District dang dep chah kem u hadien wa pynyoo u yei mynsien kyrchaan Pakistan ha Social Media.
Ha Assam da em waroh 8 ngut kiwa chah kem heiwa ynnin da kem 6 ngut wei dadep leh wow kem ya u MLA ka AIUDF, u Aminul Islam.
U Himanta da ong u wa kiwon kiwon kiwa leh kamni daw pynngat ya ki hapoh ka National Security Act (NSA) wei daw pynchitom ya ki deiwa khor.
Ya ini da klam u Himanta hadien wa pynlait ya ka thong krehkaam ka BJP neibynta ka Election Panchayat ha Assam.
Kam wow pynkynmoo wa ha Meghalaya da em uwi uwa chah kem heiyatoh wa ini i jooh i kaam katwa ha Tripura da em ar ngut kiwa da chah kem.
Discussion about this post