Ka Dorbar Chnong Umkiang da pynsñiaw ko yei sñiawkhia wa joor yei wym chimkhia ka sorkar lyngba ka chnat MeECL wow pynyoh Transformer thymme hapoh ka Dong Pahar, Umkiang.
Kani ka dong da chong ko hei doom khlem bordiñ la ar bnai tam itæ nadooh ka 20-04-24 nadooh wa sih noh u Transformer wa em ha kani ka dong hanla da dep u waheh chnong, u Lasting Pala wow pyntip smat cha ka yungkrehkaam u SDO wa Engineer yong ka MeECL kawa em ha Moowakhu, Khliehriat, East Jaiñtia Hills District.
Ym du ini da ep leh wow lai pynkynmoo da boonsien tangwa da jubab wa dadep pyntip cha ki heh ka chnat wa em ha Shillong tangwa hadooh kattæ ym pu yoh Transformer wa thymme.
Kamtæ da ong wa ka sorkar lyngba ka chnat MeECL da pynjynjar ko ya kiwa chong chnong kiwa da hap chong hei doom khlem da pynche hanla toh i hok wow yoh bordiñ wei ini da man ko kamwa lehbeiñ ya kiwa chong chnong ha khappood.
Discussion about this post