Ka seiñ Meghalaya Schools Welfare Development Association (MSWDA) Central Body da ong ko wym em kyrchaan ko yei dawa ka VPP wow kyrriah noh ya u Vijay Kumar Mantri uwa man kam u Commissioner & Secretary ka Education Department.
Da ong wa lada em iwon iwon i wym hun toh u yaklam ymtoh wow kdong ya uwi u bru deiwa dawa kyrriah oo hawa uni u sahep da leh u yei kaam yong oo katkam wa da pynkit ha oo.
Da kdaw wa nachwa em boon ki wym em man ryntih nadooh ka tulop wa su cha kiwa sikai wa em ha jar jiar i kyrdan nadooh ki Science Grant, Fourth Teacher, SSA, Adhoc wa ki Deficit Grant-in-Aid.
Tangwa katni deiwa wanrah da ka State Pay Framework (SPF) da ka sorkar, kiwa da sikai kamjooh kiwa dang sdang kreh da yoh tulop ki deiwa man salonsar khlem da em de i leh chiliang kam nachwa.
Da ong leh wa neiwa chem ki kam ka Association, u Vijay Kumar Mantri toh uwa kreh neibynta i eh i khoo kiwa sikai khamtam ki dawa kiwa da sahteiñ da boon snem wei hawa em i wym mynjur heiyatoh wa kiwon kiwon ki rai wa da chim ymtoh u pynman Politics ka wow pynbaad ya uni u bru samen yow dawa kyrriah noh oo.
Chooh chooh da ong wa i rukom su tulop toh iwa dang ye wow pynpliah khamtam ya kitu kiwa kreh cha ki thaw wa em jngai na sor, ha ki chnong wa em cha kdong cha chmiang wei wow wai ki laad yoh kreh ya kitu kiwa da pyndep ya ka D.El.Ed, MTET wa kiwi de.
I pyntip na u H.M. Marbaniang, President MSWDA.
Discussion about this post