Jowai: Nadooh wa joor u slap ha u bnai wa da dep kawa da pynchlai yaka wah Leteiñ haka 01-05-19, hadooh ynne ka sngi ym em de ye wow taan um na ki krem mooyong wa em ha Ksan, EJH heiwa kawi toh wa em kiwa tih mooyong kiwa chah kset hadien wa chlai um ka krem moyoong wa em ki hapoh.
I chlai ka wah Leteiñ iwa neh hadooh katni da khang ko ya ki kari wa kit yaki bru wa pynkrehkaam ya ki Pump taan um kamjooh leh ym ye de wow pynpoi ya ki baam kiwa kreh, ki phniang wa emkaam ki Generator wa kiwi kiwi.
U slap da pynsih u leh ya ki Generator kiwa pynemkaam ha kani ka thaw wei ym pu ye wow pynchna ya ki.
Kamtæ ka kreh da sangeh ko kattu chi bnai wei neiliang ka sorkar hadien wa yoh ko ya ki chithi na kiwa ha yung ha sem kiwa chah kset wa hun ki wow pyndam noh yei yaleh wow sai ya kiwa chah kset lada biang i su ka sorkar.
Ka sorkar leh da pynkhreh ko wow rah ya kini ki chithi hakhmat ka Supreme Court kawa da e hukum toh wow pteiñ bait yei thooh ya kiwa chah kset lada man ki kiwa dang im namo kiwa da khlaad hadien wa yaleh PIL da uwi u muktiar hei yatoh wa ini wa jia.
Discussion about this post