Shillong: Ka sorkar jylla da thung ko ya ka Price Monitoring Cell ha waroh ki District wow pyntikna wa ym em kiwa chim kabu kam ha kini ki por deiwa pynku dor ya ki mar baam.
U montri ka sorkar jylla wa pait ya ka chnat Food and Civil Supply ka jylla, u James K Sangma da ong u wa ki sahep ka chnat daw paitsiar bha ki ya ki yaw wa em ha ki District, wei wow pynman leh i kynreh wa syndet ha iwon iwon i por wow pyntikna wa ym em kiwa chim kabu.
U James da maham u leh ya kiwa leh pyrchah næ kiwa chim kabu wei lada chem ya kam kini daw pynchitom ya ki katkam ka Section 7 ka Essential Commodities Act 1955, wa Section 3 ka Prevention of Black Marketing and Maintenance of Supplies and Essential Commodities Act 1980.
Heijooh i por da ong u wa ki paidbah ye ki wow ujor cha ka chnat Food and Civil Supplies deiwa phone ha u Toll-free Number 1967.
Discussion about this post