U Symbood Montri Rangbah uwa pait leh ya ka Home (Police), u Prestone Tynsong da ong u wa i takit hajrong i maham da kiwa kam toh ki ISIS-K ya ki Garo na West Garo Hills wow mih chnong ki, u lai i chaphrang wei lada emkaam wa ka sorkar pyrdi u tuklar ko heiyatoh wa i takit, ka sorkar jylla man ko kawa smat wow krehlang.
Hawa kylli, u Prestone da ong u wa ympu ye u ong iwon iwon hajrong ini i kaam lada em kiwa chim kabu donhi, wei emkaam u yang chwa ya ka takit.
Ka Poster wa kam yong ka ISIS-K da maham ko ya ki paaid Garo wow mih noh na West Garo Hills wa na ki thaaiñ thor (Plain Belt) wa kynthup ya ka Phulbari, Rajabala, Tikrikilla, Selsella, Garobadha wa Tura wei da booh por hapoh u 2027 wow leh yeini.
Ha kani ka Pster da mih i pyrtuid u Aminur Islam, Plain Belt Area Commander wei da chem ya ka ha madan New Tura Matchokolgre, kawa em marjan ka Law College ha Araimile, West Garo Hills.
Discussion about this post