Uwa e ktien ka sorkar jylla, u Paul Lyngdoh da pynksan u yei tyrwa ka sorkar jylla wow su tulop ya kiwa kreh ki le tylli ki Autonomous District Council (ADC) wa kynthup ya ka KHADC, JHADC wa ka GHADC deiwa ong wa ini ymtoh i thmu wow chimkti noh ya ki tangwa toh du wow kyrchaan yow lait ki wow haap lada jia ha iwon iwon i por wa stang poisa ki.
Ka wow pynkynmoo wa ka Cabinet da mynjur ko wow su tulop noh da ka sorkar ya kiwa kreh ki District Council tangwa chong hei pdiang yong ki lada bien ki næ ym bien wei ka sorkar ym pynbor ko.
Hawa klam wa kiwa thoh khubor, u Paul da ong u wa toh u sñiawthooh yeiwa thmu ka sorkar wow yarap dei mon sñiawbha wei ka yarap kawa man katkam ka aiñ.
Da ong u leh wa ar tylli ki District Council ye ki wow haap ha kini ki kajiak snem neidaw wa duna poisa ki wei lada ka sorkar ym kyrchaan ko, daw man i maa neibhah wa ka sorkar ym ye ko du wow pait-ke lada jia wa haap ki wei daw chah kylli kylla iyi leh ka sorkar.
Discussion about this post