U Montri Rangbah ka jylla, u Conrad K Sangma da ong u wa lada ki karkhana da pynbiang ki ya iwa emkaam wa da booh da ka sorkar wei da yohbor ki na ki tre thaw, ym chong hok ya ka sorkar wow khang ya ki karkhana khlem ki daw kiwa biang.
Ynne ka sngi, ka Environment Coordination Committee (ECC) yong ka Elaka Sutnga da pynman biang ko yei lai paidbah namo ka Rally nadooh 1 Kilo ter ter hadooh wow poi hakhmat ka yung krehkaam u Deputy Commissioner ka East Jaiñtia Hills District, Khliehriat wow dawa pyndam noh ya ki kharkhana Coke kiwa da roi bha hapoh ka Elaka Sutnga, kiwa da ktah yei chait i khiah yong kiwa chong chnong ka thaaiñ, wei ini i lai paidbah da ka ECC toh ka sien kawa ar, heiwa ya kawa nyngkong da pynman ha ka 3 tarik u bnai wa da dep.
Hawa kylli hajrong ini i dawa, u Montri Rangbah da ong u wa lada em ki karkhana kiwa khlem bood ya ki kyndon wa da pynkham ha ki, næ lada chem wym em ki ya ki CTE/CTO, toh u pyntip cha ka sorkar khnang wow leh ya iwa emkaam, tangwa da ban u wa lada khang ya ki karkhana kiwa da pynbiang ya ki kot ki sla wa kiwi wa emkaam daw man ko kawa bakla ya ka jylla hawa yatoh wa i seiñ khih seiñ khan.
