U Montri Rangbah ka jylla, u Conrad K Sangma da ong u u wa ka jylla em ko hapyrdi i chongsuk tangwa dang paitsiar yei man i long wow pyntikna wa ym mih i jia khamtam ha ki kattu katni ki thaw wa da mih i awri wa i yakhih.
Hawa yaklam wa kiwa pathai khubor da ong u wa hadien wa da thung ya ka takit, neiliang u Chief Secretary ka jylla da yaklam u wa uwa bichaar wa man leh u Chairman ka Meghalaya State Human Rights Commission wei i takit da sdang i la kamwa 3 sngi chwa.
Heiyatoh wa i paan chuti u Director General of Police, u R Chandranathan, neiliang u Montri Rangbah da ong u wa ka sorkar dang lai ko katkam ki kyndon wei hadien wa dadep lut iwa emkaam waroh, ka sorkar daw e chuti ko, heiwa da pyntikna u wa ka sorkar daw e chuti ko ya u DGP neibhah wa toh hok u yoh u kam uwa kreh sorkar.
Hawa kylli hajrong i dawa beh kreh ya ki heh pulit, u Conrad da ong u wa ka sorkar da yieñ bait ko ha ka jooh ka yurim wa ymye ko wow beh kreh ya ki kat wym pu yoh ya ka bui na ka takit.