Lada ki aiñ sorkar jylla wow yada ya ka jaitbru ym krehkaam ki bha u pynkrehkaam noh da ka ILP: Adelbert Nongrum

Shillong: I dawa wow pynkrehkaam ya ka National Registration of Citizens (NRC) ha Meghalaya da sdang ko wow poor smat bha khamtam neiliang ki seiñ waphær waphær ha ka jylla wa ki seiñ saiñ pyrthai.

Hawa yaklam wa u MLA ka KHNAM na North Shillong Constituency, u Adelbert Nongrum da ong u wa da emkaam wa ki dorbar chnong ha kylleiñ ka ri-loom Khasi-Jaintia wow man ki kiwa khlan wow sonteri ya ki baar jylla hawa psiah wa mih ki ha ki chnong yong ki.

“Ka KHADC da toh wow phah ko ya ki dorbar chnong wa ki Hima wow chimkhia ki yeini khamtam ha ki thaw wa em khappood,” da ong u Nongrum.

Da ong u leh wa ki baar jylla kiwa chong wa sah ha ka bri u Ynñiawtrep nadooh ki por wa rim da toh u wan ki cha khmat heiyatoh wa kani ka kaam wow chem kiwon ki tre ri India.

Related posts

U pyndam ka Mizoram ya kiwa kreh sorkar ki wym ye wow leh yei kaam yong ki

November 28, 2024

Sdang ka sorkar da ka Community Public Private Partnership deiwa e yarap Rs. 106 klur

November 28, 2024

U Adelbert da ong u wa hadooh katni ka Meghalaya ym pu em ko kawon kawon ka aiñ kawa khlan wow khanglaad yei psiah ki baar jylla wei kam ha kani ka kynti kiwa pynlai chnong toh u man ki kiwa kitkhlieh.

Hawa jubab hawa kylli lada emkaam wa ka sorkar Meghalaya u pynkrehkaam ko ya ka NRC ha ka jylla, u Nongrum da ong u, “Da toh i por wow leh ya ini khatam ya i kiwa khian paaid wa ki aiñ wow yada ya i kiwa khian paaid.”

Da ong u leh wa lada ka sorkar ym ye ko u leh ya ini toh u chim ko yei kit khlieh wei ym toh u pynlut por ki du wow pykhat ya ki Election chiteiñ samoi toh u pyrkhat ki ya ka jaitbru.

Chooh choooh da ong u wa lada em ki aiñ wow yada ya ka jaitbru ym krehkaam ki toh u pynkrehkaam noh da ka ILP.