Lada man ya phi wow kyrchaan BJP, ileh wym man ya kiwi: Sangah u Ronnie ya ka VPP

U MDC ka Congress na Mylliem, u Ronnie V Lyngdoh da sangah u deiwa eh ya ka Voice of the People Party (VPP) deiwa ong wa kani ka seiñ da ong ko wow kyrchaan ya kawon kawon ka liang wa wanrah ya ki kaam pynroi ya ka jylla wei ymphær lada toh da ka BJP leh.

Hawa klam ynne ka sngi, u Ronnie da ong u wa ka VPP da ong ko wow kyrchaan ya kawon kawon ka liang ka wow wanrah ya ki kaam pynroi ya ka jylla tangwa ka yukylli toh wa lada leh kamni daw kyrchaan wot ya ka BJP neibynta wow pynroi, tæ ileh wym man u leh da kiwi won.

Da ther u yei wym pyrchah ka VPP ha ka Election yong u Speaker ka Lok Sabha ini wadep hapoh Lok Sabha. Da ong u wa hawa ka VPP ym pyrchah, kammon won u chim ki paidbah wa pyrchah tangwa toh ka rukom wow chim hawa ym pyrchah mut wa kyrchaan ki ya ka NDA wa yahkhmat ka BJP.

Kam wow kdaw heini ka VPP ym bien ko wow ya chimbynta hei jied ya u Speaker ka Lok Sabha hapoh Parliament, wei ym bien ko wow em cha ka liang NDA wa yahkhmat ka BJP næ ka INDIA Bloc kawa yahkhmat ka Congress.

Related posts

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024