U Montri Rangbah ka jylla, u Conrad K Sangma ynne da wai u ya ka Meghalaya Youth League 2024 ha ka yalang wa da pynman ha State Convention Centre, Shillong deiwa emlang ki dkhot ka Meghalaya Football wa ki dkhot ka Meghalaya Olympic Association.
Kani ka League toh kawa daw sdang nadooh ka 20 tarik uni u bnai deiwa chimbynta kiwa boon ki Association deiwa yabhah katkam ka thaaiñ wa wan ki ha ki ar kyrdan, kitæ ka Sub Junior Level neibynta ka Under-14 waka Junior Level neibynta ka Under-16.
Kani ka League u man ko hei rukom ka Inter-District wei daw pynman ha kyllieñ ka Meghalaya wei da chimbynta da ki 20 tylli ki District Associations wa da tipmit da ka Meghalaya Football Association.
Ha East Zone da em ka Shillong Sports Association, Sohra Sports Association, Riwar Mihngi Football Association, Ri-Bhoi District Sports Association waka Western Ri-Bhoi District Sports Association.
Ha West Khasi Hills Zone da em ka Tyrsad Area Sports Association, Eastern Border Sports Association, Eastern West Khasi Hills (Pyndemumiong Sports Association), Mawkyrwat District Sports Association, Nongstoin District Sports Association waka Mawshynrut Sports Association.
Ha Jaiñtia Hills Zone da em ka West Jaiñtia Hills District Sports Association, ka East Jaiñtia Hills District Football Sports Association, ka Amlarem Sports Association, ka Saipung Block Sports Association waka Laskein Sports Association
Ha Garo Hills Zone da em ka District Sports Association of Tura, Williamnagar District Sports Association, District Sports Association North Garo Hills waka Baghmara District Sports Association.
Ha kani ka yalang da pynlait poisa leh cha jar jiar ki Zone yow ye ki wow pynman ya kani ka League.
Ka thong wow pynman ya kani ka Meghalaya Youth League toh yow chem ya kiwa em sap hei yalehbol yow mihkhmat ya ka jylla ha ki National Football Championship wei daw pynman noh ka man-u-snem.
Discussion about this post