U Symbood Montri Rangbah ka jylla, u Prestone Tynsong da kyntait u wow em iwon iwon i takit hajrong i chah pynbaad wa kreh tangdep wei baam tooh hawa yatoh wa i chna ya ka Inter State Bus Terminus (ISBT), iwa da pynyoo pyrthai da u slap, neibhah hadien wa joor u slap da yow yei pai um wei kaad katai ka yung ka ISBT.
Hawa kylli ynne ka sngi, u Prestone da ong u wa ka sorkar daw thooh bniah ko ya ki daw, tangwa i takit ym em i, wei neiliang ka chnat PWD (Building) daw hap ko wow pynbait yei duna deiwa pynchna ya iwa da sih.
Da pynksan u wa ya u Contractor uwa pynkreh ya ka ISBT ym ye wow leh iyi iyi neibhah wa heipor wa chna ya katai ka yung (Building) da emlang leh da ki Engineer wa u SDO, wei da ong chooh chooh wa ya ka Bill namo i su da pyndep hadien wa da bichaar ya i kaam da ki sahep wa ki Engineer, wei lada hap wow pynchitom toh u pynchitom ya ki sahep sorkar.
