U Prestone Tynsong da ong u wa uwa yahkhmat ka Liang Pyrchah toh u e syndon u yei pyrtuid yong ki MLA ka NPP kiwa da ong wym yakhun de ya ka Election naka NPP.
Kam wow pynkynmoo wa u Dr. Mukul Sangma da ong u wa em boon ki MLA wa katni kiwa daw mih noh naka NPP wow yakhun na kiwi won ki Party haka Election wa daw man ha u 2023.
Hawa jubab yei pynbaad u Dr. Mukul, u Prestone uwa man leh u National Vice President ka NPP da ong u wa i rukom klam yong u Dr. Mukul yoo lakam wa tiplut u, heiwa da pynrap u wa uwa yahkhmat ka liang pyrchah wa hap u wow pyrkhat chwa ya idæ yow im, neibhah i wym sñiaw tikna de wow chah jied biang ha ki paidbah man ko ya u Mukul kamjooh.
