Ka yalang yong ki tre ki thaw sah, ki tre thaw uiñke wa kiwa pynlai ya ki kaam uiñke suwari da rai ki wow ujor cha ki pulit lada dang em kiwi ki seiñ kiwa dang pynthut ya kiwa wan uiñke suwari namo ki Tourist.
Ya ka yalang da pynman ynnin ka sngi ha Dorbar Hall ha Mawkdok.
Hawa yaklam hadien ka yalang, u Secretary ka Hima Sohra Tourism Committee, u Rothel Khongsit da ong u wa ka yalang da rai leh wow kyntu ya ka All Meghalaya Khasi Tourist Taxis Association (AKMTTA) wow sangeh yakhih wei wow lai luti dei wym khang ya kiwa wanke na baar.
Da kyntu leh wow yasyllok wa kiwa pynlai kaam uiñke khnang wow lait u chah ktah wei wow krehlang neibynta i myntoilang.
Chooh chooh da kyntu leh ya ka sorkar wow chimkhia wow pynbait yeiwa eh wa chem kiwa kamai kari, ki tre thaw sah wa kiwi khnang wym chah ktah i kamai yong ki.
Da rai leh wow thoh cha ka sorkar wow pynsmat ya i kreh pynheh ya ka Airport ha Umroi khnang wow lait na iwon iwon i eh.
Discussion about this post