Ka Khasi Students’ Union (KSU) West Jaiñtia Hills District Unit da pynsñiaw ko yei pyrchah joor hajrong i chim rai yong ka Northeast Frontier Railway wow pynpoi ya ka luti rel hadooh ha chnong Jowai.
Hawa yaklam wa kiwa thoh khubor ynne ka sngi, neiliang u Laitphar Syngkrem kam u President da ong u wa ka seiñ ym pdiang ko yeini i thmu neibhah i wan psiah kiwa na baar cha Jaiñtia Hills toh kawa joor bha wei deiwa wan sa ka rel daw chah yoohbeiñ ha ki bru kiwa na baar kiwa daw knieh lut yei kaam i jaam.
Da phah u leh ya ka sorkar wow wanrah noh ya ki aiñ yada kamwa da dawa ha ki snem wa dadep.
Da u ong u leh wa kammon jhan ka sorkar wow wanrah luti rel katwa ya ki aiñ yada won ym pyrchang ko wow wanrah.
“Ham leh ke wei kheiñ poh ya ka jaitbru yong i ya poi pathan cha ka thma ha Jaiñtia Hills waroh kawi,” da ong u Laitphar.
Da ong chooh chooh u wa lada ka sorkar u lai ko chakhmat hajrong ini i kaam ym yohsa wow yada ya ka ri wa ka jaitbru deiwa chim da kawon kawon ka luti leh.
Discussion about this post