U Damewanhi L. Rymbai uwa man kam u President ka Voice of the People Party, East Jaiñtia Hills District, da beiñ joor u yeiwa klam u Deputy Chief Minister, u Sniawbhalang Dhar uwa da ong wa da e kti ha ki seiñ wa khih mooyong wow pynkhreh ya ka Mining Plan neibynta u tih mooyong.
U Dame da ong u wa cheiwon kitæ ki Consultant wa dadep thung ka sorkar, ki IAS, ki MCS ki wym ye tang u Draft ya ka Mining Policy wei ini pynyoo ko wym hoi ka sorkar wow leh yei kaam yong ka.
Da ong u leh wa dadep e por 3 bnai ya ka sorkar hadooh ka tayaaw wa nyngkong u July wei lada dang phah ha ki paidbah wow chna Mining Plan pynyoo ko wym pu em leh ka sorkar iyi iyi leh.
Da pyntip u leh wa da em kawi ka yalang wa da pynman ha Star Cement yow pynkhreh ya kani ka Mining Plan.
Heiyatoh wa ini waroh da ong u wym em pyrchah tangwa hadien wa kut i e por ya ka sorkar lada ym jia iyi iyi, daw lai khang noh ya i Cement Plant neibhah kammon ki yoh ki wow khih katwa ki tre chnong won pait donhi yei khih kini ki karkhana.
Discussion about this post