Ka TUR da pynsñiaw ko yei beiñ joor ya iwa jia ha Mawlai Mawroh iwa da yah chei mynsoo wei da yap uwi deiwa pynkynmoo ya iwa dang dep jia ha Ichamati wei i chah maham kiwa kreh mylla ha Sohra.
Da ong wa ini i rukom leh chynnam toh iwa sarom yaka imlang sahlang yong i waroh kawi kamjooh ya waroh kiwa chong chnong wa tip u pyrkhat ha Meghalaya wei da emkaam wow beiñ wei wow kem ya kiwa emkti.
Da khut leh ya waroh kiwa mihkhmat, ki seiñbhalang kiwa pynemkaam ya kam ini wa jia wow pynmih yei mynsien pynyachoon wa ki leh toh u dawa ki wow kem ya kni kiwa emkti.
Ka TUR da ong ko leh wa lada ym bna wei ym klam i manda jia kam ini, daw e laad wow leh ya kam ini kaam da kiwa chim kabu, da ki bru kiwa im deiwa tyngkheiñ aiñ iwa daw ktah ya waroh.
Chooh chooh da ong wa kammon leh i ya kiwa khian paaid pynyoo ko kammon man ka imlang sahlang wei lada kam ka imlang sahlang ym beiñ i yeini i kaam ym em hok de i wow beiñ manda leh da kiwi ki heh paaid hapoh ka ri India, kamtæ da ong wym toh u suki hi-eh manda jia pyn hadien kpær yong i.
Discussion about this post