Lada ym pyndam ka seiñ ki karkhana Cement yei pynche heiyatoh wa i pynemkaam Bulker Truck daw yaleh ka AMTT da ka PIL

U President ka The Association of Meghalaya Traders and Transporters (AMTT), u Enrico D Pasi da jubab kylla u yeiwa pynche ka Jaintia Hills Cement Manufacturers Association (JCHMA) yeiwa pynemkaam ko ya ki Bulker Truck.

Hei pynche da ong u wa ka JHCMA da kam ko wa i pyn emkaam ya kini ki jait Truck toh neibynta kitu kiwa emkaam Cement chiboon (Bulk Consumer) kam ha ki Ready-Mix Concrete (RMC) Plant wa ki kreh wa rap heh wei deiwa pynemkaam da kini ki Bulker Truck ym chah ktah ki tre chnong kiwa kamai Truck toh iwa yahbakla wei man ko du kam wow murieh yei lait nei su dan najrong wa ktah ko ya i kamai kajih ki tre chnong.

Neiliang ka AMTT da ong ko wa katkam wa chem na iwa jubab RTI wa ki GST e-Way Bill da chem wa 60-70% i Cement na East Jaiñtia Hills toh kiwa kit da ki Bulker, wei du 5-10% toh neibynta ki RMC. Nadooh u 2018, 100% i Cement ha East Jaiñtia Hills toh kiwa phah hapoh ki churia tangwa syndet syndet da pynemkaam da kini ki Bulker wei ymtoh neidaw wow pynhun ya kiwa thied chiboon tangwa yow ye u khieñ duna da 2-3 MT kawi ka Bulker, wei yeini leh da chem katkam ka CAG Audit Report 2019, Para 3.1.4.

Da chem leh wa palat 90% ki Bulker na East Jaiñtia toh kiwa lai cha ki kudam wa em ha Assam wa West Bengal ki wym em kitæ ki thaw wa kyrpang wow pynhaap Cement na kini ki jait Truck, wei da song won ya i Cement pyrchah ya ka aiñ hapoh ki churia deiwa ong wa mih ki napoh kini ki jylla yow yoh Subsidy wei yow lait u su GST iwa man leh pyrchah ya ka kyndon ka MoEFCC wow song biang deiwi yei Cement.

Related posts

Mih i Video wa pynyoo yeiwa chah yooh uwi ha ka lieñsuiñ heipor wa dang mut ko wow hær

May 11, 2026

Khyrwait uwa e buit ka Hima Sohra yeiwa pynkylla Politics u Ardent yei e Sanad ya u Syiem

May 11, 2026

Katkam i jubab RTI wa da yoh na ka JHADC ha u March 2026, da chem wa em 43 tylli kiwa man kam ki Non-Local Transporter kiwa pynlai ya kamwa 2,150 tylli ki Truck ha Jaiñtia Hills, katwa ki seiñ tre chnong em ki du le tylli, kitæ ka  JHTOA, EJHTOTA wa MCTODA kiwa waroh yoh ki wow pynemkaam du 40 tylli ki Truck. Kawi ka Bulker da kit ko yeiwa kit ki 3 tylli ki Truck iwa mut palat 800 tylli ki Truck ki tre chnong da dooh kreh ki man-u-bnai. Ki tre chnong da yoh ki du 4 trip ha ka chi bnai i wym dap wow su ya ka ram cha ki Bank.

Manda pynduna ki ha ki kot ki sla da 2-3 MT yeiwa kit ki da man ko leh i dooh nong ya ka sorkar Meghalaya neibhah da em 800 tylli ki Bulker ha ka chi sngi kiwa lai wa wan iwa mut da dooh nong 2,000 MT ka Royalty chi sngi kawa dapoi Rs. 6 lak chi sngi wa Rs 1.8 klur chi bnai deiwa kit moochunhi wa u mooyong khlem da kheiñ ya ka GST, DMF wa ka Cess.

Chooh da ong leh wa kini ki Bulker kiwa kit 45-50 MT palat ya ka 25 MT katkam ka aiñ da ktah ko leh ya u sarok NH-6 nadooh Khliehriat hadooh Sonapur heiwa ka NHAI da pynlut ko Rs. 400 klur yow pynchna sarok du ha u snem 2023 iwa da wanrah leh yei mynsoo mynsnaam wa kiwa yap manda sih u sarok.

Kamtæ da dawa na ka sorkar Meghalaya wym toh u suki hi-eh ko neibhah da chah ktah ym du ka yarong poisa ka sorkar tangwa da ktah ko leh ya 5,000 tylli ki manyung kiwa da dooh ja na ini iwa leh kini ki Cement Company wa kiwa leh Benami.

Da e por leh ya ka JHCMA 7 sngi wa lada ym pyndam ko yei pynche ko, ka AMTT ym yohsa ko wow yaleh da ka PIL hakhmat ka High Court ka Meghalaya wow dawa takit da ka CBI/ED yeini wa leh ki yow pyndam chisiendon yei e bor wow krehkaam ki.