U MLA ka BJP uwa man leh u montri ka sorkar jylla, u A.L. Hek da ong u wa lada ka seiñ BJP thrang ko wow yahkhmat ya i synchaar ha ka jylla ha ka Election ka wow wan, da toh i por wa kiwa kitkaam na Delhi u e laad noh ki ya kiwa kitkaam ka Party kiwa man ki tre chnong wow pait wei pynlai ya ki kaam.
Neiliang u Hek da e nongmuna u wa ha ka Election u snem 2018, ya ki wakreh, kiwa ebuit heiyatoh wa ka Election ha ka jylla, ki heh ka Party wanrah ki da ki bru kiwa na baar ka jylla.
Da ban u yeini deiwa ong wa chem chitom bha ki neibhah wa kiwa kitkaam ka Party kiwa wan na baar ymtip ki chaphang ki kaam saiñ hima hapoh ka jylla Meghalaya.
Kamtæ da ong u wa neibynta wow pynkhreh ya ka Election 2023, ki heh ka Party toh u ekti wei wow chaniah ki ha ki tre jylla wow pynlai bait ya i kaam.
Da kyrmen skem u leh kam kiwi kiwa kitkaam ka Party wa ha kani ka kynti wow wan u montri ki kaam pohyung ka ri, u Amit Shah cha ka jylla daw yohlaad ki wow pynsñiaw ha oo ya ki kaam wa ka Party angnood ko kam chibynta wow pynlai bait ya ki kaam neibynta ka Election 2023.
