Ha ka 14 tarik uni u bnai, ka Nongjri Dorbar Pyllun deilang wa ka Village Organization (VO) da yoh laad ki wow yachem wa u Deputy Chief Minister ka jylla, u Sniawbhalang Dhar deiwa emlang u MLA ka thaaiñ na ka Mawhati Constituency, u Charles Marngar ha chnong Nongjri.
Ha kani ka lai yachem, neiliang kiwa chong chnong da pynsñiaw ki yeiwa emkaam ki kamjooh iwa eh wa chitom ki heiwa neiliang u Sniawbhalang da kular u wow e yeiwa da paan ki katwa ya ka VO won u yarap yow pynbha pynmiat ya ki kaam yong ki.
Neiliang kiwa chong chnong da pynsñiaw ki yei kmen yei sbun mynsien u Deputy Chief Minister.
Hadien ini, u Deputy Chief Mminister da lai u leh wow pynyhaap pyrda ya ka Final ka Football Tournament wa tip kam ka 1st MLA Cup Mawhati Constituency kam u kongsan ha kani ka sngi.
U Deputy Chief Minister hawa e yei klam da e u ki kyntien e mynsien ya ki paidbah kani ka thaaiñ wow nang kreh chitom ki ha jar jiar ki kaam ki jaam wei da pynchlur u ya ki khon khynroo wow chimkhia wei wow kreh chitom ha kawon kawon ka sap ka phong khnang wow poi cha ka thong jop.
Da pynsñiaw u leh wa neiliang ka sorkar da thooh ko ki laad ki luti wow pynku ya ki khynroo ha ki kaam Sports wa kiwi de ki jait kaam wei da pyntip u leh wa ka sorkar da thooh laad ko yow wanrah kawi ka madan Stadium ha ka jylla ka wow man kam ka National Stadium wa heh tam hapoh ka ri India waroh kawi ka wow em hapoh ka jylla Meghalaya.
Discussion about this post