Ka Kiang Nangbah Government College Students’ Union (KNGCSU) da pynsñiaw ko yei sñiawngooh ya u Symbood Montri Rangbah ka jylla, u Sniawbhalang Dhar uwa da pynsmat wow pynkreh yeiwa da kular u neibynta wow chna pynmiat ya ki soodong kani ka College.
Neiliang ka KNGCSU da pyntip ko wa i kreh ya ki luti lai kjat, ki Veranda toh kiwa da lai chaait chaait deilang waka thaw chong ki Security Guard iwa da sdang la 3 tayaaw haroh kattu wei ya kani ka thaw chong neibynta ki Security Guard toh kawa yoh yarap na u MLA ka Jowai, u Wailadmiki Shylla.
U President ka KNGSU, u Evermore Rymbai da ong u wa sñiawkmen u wow yoo wa u Sniawbhalang kamwa da kular u heipor wa wan sakhi u yaka College Week wa da pynman ha u bnai wa dep, da pynbood u sa ki kaam wei ymtoh du i ktien donhi heiwa i kreh toh kiwa da lai chakhmat wow chna ya ki Footpath, ki Security Shed wa ki Veranda.
Kamtæ da e khublei u ya waroh kini ki ar ngut kiwa mihkhmat paidbah wow yoh ki dei chait i khiah wei yei smat ki wow e yarap wei yooluti u wow yoh chooh chooh i yarap na ki.
Kam wow pynkynmoo wa u Sniawbhalang da kular u wow yarap Rs. 1 klur yow chna ya ki Footpath, ki Railing, ki Veranda wei wow siang psiang ya u sarok hapoh ka College.
Discussion about this post