Lai bait i pynkhreh ya ka National Voter’s Day 2016

Jowai : Ka ophis u Deputy Commissioner (Election) West Jaintia Hills District ha kini ki ar sngi kitæ ka 12 tarik wa ynne ka 13 tarik da ye ki u pyndep ya ka yakop Debate, Extempore Speech, Slogan Writing wa ka thoh essay. Heiwa da wan chimbynta ki khynnah puræ ki kolej wa ki skur ka chnong Jowai kamjooh ki khynnah wa puræ na Shillong. Kani toh kam chimbynta wow lehwarom ya ka National Voter’s Day.

Ha ka 12 tarik da pynman ya ka yakop debate hajrong ka phang “Lack of inclusive electoral participation, especially women has dampered the True Spirit of Democracy in the Country” heiwa da wan chimbynta ki khynnah puræ ki wa na ka kolej Thomas Jones College, Kiang Nangbah Government College, Khat Ar Dolloi Law College, North Liberty Higher Secondary School wa na Shillong College.

Ka yatai ñia ha kani ka sngi man ko ka wa chongchit bha heiwa da em leh le ngut ki kynthai wa wan chimbynta.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ha ka wa kut ka Debate katkam ka rai wa mih toh wa chah pynrem ka yung wa kyrchan ya ka phang ha kani ka sngi.

Hadien kani da pynbood sa ka yakop “Slogan Writing Competition.”

Ynne ka sngi da em ka yakop “Extempore Speech” heiwa da wan chimbynta 8 ngut ki khynnah puræ ki wa da klam hajrong ki boon ki phang wa yatoh wa ka Election hapoh India.

Da pynkut ha kani ka sngi da ka “Essay Writing Competition.”

Ya ki result wa ki prize ki wa jop daw e ha kani ka 25 tarik ha ka yalang wa daw pynman ha kani ka 25 tarik ha “Conference Room” ka ophis u DC.

Kam wow pynkynmoo ha ka kani ka 22 tarik daw pynman ki ya ka Bike & Cycle Rally. Kiwa kwah u chimbynta ha kani ka rally ye ki u e yei pyrtuid yong ki, wei ye ki u tip bniah na u B.J Kharshandi, MCS, EAC Election, næ ye ki u phone ha u Mobile No – 9856127073.