Lai bait i pynkrheh yei pdiang ya kiwa liwan cha Meghalaya hapyrdi u slap, ka lær wa i chlai um

Ki District ka jylla nadooh ki pulit, ki bor district, ki Volunteer, ki wakreh ka chnat i chait i khiah wa kiwi da man ki kiwa da kreh miet wa sngi yow pynkhreh u pdiang ya kiwa liwan chapoh ka jylla wei kamjooh yow pynbiang yeiwa emkaam kiwa leh Quarantine kiwa da em da ki hajar ngut.

I em ka Cyclone Amphan kawa da wanrah ya u slap wa i heh um hapoh ka jylla da wanrah chooh chooh ko yei eh wow leh ya ini waroh.

Ha West Garo Hills, uwi u sarok (AMPT Road) ha i bynta wa jan poi cha Phutamati da chah rah u haka um heiwa da hap phah baam cha ki 18 ngut wa em ha Bondukmali wa Tikrikilla Quarantine Centre deiwa taan da u tylle yow phah yaka synduk wa pynkit baam.

Ha kiwi ki thaw ka West Garo, u slap wa joor da pynchlai um u kam haka thaaiñ Raksamgre wa Tikrikilla. U sarok Holaidonga ha i bynta ka Phulbari Tikrikilla da man u uwa da chah tymmoh haka um tangwa ki kari lait hi ki wow lai luti. Ar tylli ki yingkieñ da chah rah ki haka um, ki thaw pynman yaw waki skur da man ki leh kiwa da chlai um. Neiliang u DC da phah u yaka chnat Disaster Management wow lai ki cha kini ki thaw.

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ha South West Khasi Hills leh i pynkhreh da lai i khlem sangeh yow pdiang yei wan kiwa liwan nadooh wow li booh yaki cha ki thaw pynchong kset yaki, i pynleh yaki Tests, i ya pynbait wa ki waheh chnong kamjooh wa kiwa hayung hasem yow lai bait ini waroh.

Ka Cyclone Amphan leh da ktah ko ya ini waroh heiwa i joor u slap man ka miet da ktah leh yaki luti ki syngkieñ iwa da pynthut yei lai i wan ki kari tangwa ki bru ka DDMA, ki sahep sorkar, ki pulit, ki doctor wa ki wakreh ka chnat i chait i khiah hadooh kiwa yah kari da pyntikna ki wa waroh ini man i iwa lai bait.

Ha East Garo Hills won u DC da pynyoo u ya i dur yong ki Volunteer kiwa wan wow kreh miet haka COVID-19 Control Room. Kamjooh leh kiwi ki wakreh miet wa sngi wow pdiang ya kiwa liwan yung chapoh ka jylla.