Ka Ministry of Road Transport & Highways (MoRTH) da pyntip ko wa deiwa bood yaki kyndon wa da pynmih daka Ministry of Home Affairs lyngba ka No.40-3/2020-DM-I(A), Dated 24th March 2020 wa kiwi ki pynkylla hadien ini heiyatoh waka Lockdown wa da pynkrehkaam neidaw u COVID-19, ka MoRTH da pynmih kyndon ko haka 30th March, 2020 wow pynyinsur ya i por wow pynthymme yaki kot ki sla kari wa yatoh waka Motor Vehicles Act, 1988 waka Central Motor Vehicle Rules, 1989.
Da ong wa yaki kot kari kiwa ym ye wow pynthymme neidaw wa em ka Lockdown wei kiwa da kut nadooh ka 01-02-2020 lane kiwa daw kut haka 30-06-2020, ki wakreh kam ki Enforcement toh u kheiñ ki wa kam kini ki kot ki sla toh u man ki kiwa krehkaam hadooh ka 30-06-2020.
Ka sorkar da pyntip ko leh wa da chem ko wa ki paidbah chem chitom ki wow su yaka bai pynthymme hapoh Rule 32 wa 81 ka Central Motor Vehicle Rules 1989 neidaw ka Lockdown hapoh ka ri neidaw wa khang kiwa boon ki Transport Office ka sorkar. Da em won kiwa da dep su tangwa ym em won ye u pyndep ya kani ka kaam wa em ka Lockdown. Kamtæ ini da wanrah ko ya iwa eh yaki paidbah wow lai su ki ya iwa emkaam ki deiwa khang ki RTO Office.
Yow pynsuk yaki paidbah heipor wa em u COVID–19, ka MoRTH da pynmih hukum ko wa waroh iwa da dep su ha lane hadien ka 01-02-20 wa kynthup wow pynthymme yaki kot ki sla tangwa neiliang ki yungkrehkaam ka sorkar ym ye ki wow pyndep ya ini waroh neidaw wa em ka khlam COVID-19, ini iwa da dep su u kheiñ toh kiwa da dep su wa kiwa da biang. Wei lada em i slem wow su nadooh ka 01-02-2020 neidaw wa em ka Lockdown, ym chah daiñ kuna neidaw wa slem u su (Late Fee) hadooh ka 31-07-2020.
Discussion about this post