Kiwa maya bol ha Hyderabad da yoh ki wow yoo ya u Lionel Messi ynne i janmiet ha Rajiv Gandhi International Cricket Stadium kam chibynta ka ‘The GOAT India Tour 2025’ deiwa lai bait khlem da mih i kulmar kamwa jia ha Kolkata.
Ha Hyderabad, u Messi dapoi u deiwa pynrkhiñ bha ki bor ka aiñ heiwa da yoh u leh wow hiar ha madan khlem da em kiwa pynthut deiwa kyriaw wei thap-kti ki paidbah kiwa em da ki phaw hajar ngut.
U Messi da pynlut por u leh wow ya kynjat bol ha madan wei chut u leh ya ki bol cha ki paidbah yow yoh ki u rah cha yung.
Da ya kynjat bol u leh wa u Chief Minister ka Telangana, u Revanth Reddy heiwa da wan leh u Rahul Gandhi wow yachem wa u Messi.
Da yoo leh ya u Chief Minister ka Telangana wa phah u ya ki bru wa em ha madan wym toh u tia ki chajan u Messi.
U Messi hawa e yei klam da e khublei u ya ki paidbah deiwa ong wa sñiawngooh u yei por wa da yoh u wow pynlut ha India. Da emlang leh ha kani ka sngi wa u Rodrigo De Pail wa u Luis Suwarez.
Ha kani ka yalang da pynman leh ya ka yalehke Exhibition Match.
Iwa jia ha Hyderabad da phær ko bak-la-bak wa iwa jia ha Kolkata heiwa ki paidbah da kawang ki da ki klong wa ki chuki hadooh wow psiah yabor chapoh madan hadien wa chrai ki yei rukom pynman heiwa ym yoh ki wow yoo ya u Messi neidaw wa joor ware boon ki bru ha madan kiwa da kah ya oo hadien su ki ya ki Ticket wa chongdor Rs. 4000-Rs.12,000 wei kiwa dai Black da em kiwa poi hadooh Rs. 20,000.
Discussion about this post