Ka yakob khwe dakha namo ka Fishing Competition wa pynman da ka Jaiñtia Fishing & Environment Protection Association da man ko kawa lai bait ynnin ka 28 tarik hadien i pynthut wa boon jait.
Ha uni u snem da man ko ka sien wa 31 wa da pynman ya kani ka yakob khwe heiwa da wan wow chimbynta da kiwa boon wei da chem chitom kajiak neidaw kiwa boon ki thaw ka wah Myntdu toh kiwa dap chyiap wei da yooluti wow pynsmat ka NGT wow pynmih ya ka hukum khnang yow khat ya uni u chyiap napoh yong ka wah ha ki kajiak por.
U Womlin Pakyntien uwa man kam u dkhot ka seiñ da khana u yei chah lehbieñ ki doh um doh wah ha wah Myntdu neidaw wa boon ki bru wa chim kabu wow pynwiar jait ya ki. Kamtæ da kyrpaad u leh ya waroh ki khynroo wow psiah man dkhot waka seiñ khnang wa ka seiñ u nang skem ko ha ki sgni ki por kiwa daw wan.
Kiwa jop ya ka yakob khwe man ki kamni ha wah.
Ki Dakha Pnar:
1st Prize da yoh da u Charemiki Passah (Rs. 10,000).
2nd Prize da yoh u u Silverstar Kyndiah (Rs. 5000).
3rd Prize da yoh u Lambha Gatphoh (Rs. 3000).
Ki Dakha Dkhar:
1st Prize da yoh da u Owaker Paswet (Rs. 10,000)
2nd Prize da yoh u Rang Challam (Rs. 5000)
3rd Prize da u Deimaya Shullai (Rs. 3000)
I pyntip na u President ka Association, u D.H. Pde.
Discussion about this post