Lai beh ka KSU ya kiwa kreh ya u sarok Nongstoin

Ka KSU West Khasi Hills District Unit deiwa ya krehlang waka KSU Rambrai Circle, ynne ka sngi da lai kynreh ki ya ki baar jylla kiwa da wan kreh khlem biang ki kot ki sla ha u sarok wa pynchna da ka NHIDCL uwa tip kam u sarok Nongstoin-Rambrai-Kyrshai uwa da kreh da ka Company Spica.

Ha ini i lai kynreh, ka seiñ da yoh ko wow ksoh hadooh 26 ngut ki baar jylla kiwa da tyngkheiñ ya ka Interstate Migrant and Workmen Act 1979 deilang wa i pynkylla namo ka Amendment 2011 heiwa da em leh ki 6 ngut ki wym ye u pynsakhiat wa ki toh ki nong India, kamtæ ka seiñ kamwa jooh leh da chim ko ka rai wow beh noh ya waroh kini ki 26 ngut yow liwan ki cha ki thaw wa wan ki.

Ka seiñ da e ko leh yei maham ya ki Contractor waroh wa toh u pynbiang ki ya ka Work Permit hawa wanrah ki ya kiwa kreh na baar jylla wei lada pteiñ ki wow leh yeini daw chim da kiwi won ki laad.

Related posts

Chlai um ka Jorabat hadien u slap wa joor

August 28, 2026

Chem ka JRC ya ki luti wa pynemkaam ki kari wa chalan masi cha Bangladesh

August 28, 2026

Da phah leh ya ka khubor cha ki chnat sorkar waphær waphær wa lym leh ki yei kaamram wa da pynkit ha ki, ka seiñ daw leh ko yeiwa emkaam yow chim ka ya kaamram neibynta ka ri waka jaitbru wei u pteiñ leh yei kynreh ya kiwa na baar kiwa wan kreh pyrchah aiñ.