Ka seiñ JNC hadien wa yachem wa u Symbood Montri Rangbah, u Prestone Tynsong ha Secretariat ynnin ka sngi hajrong i dawa wow kyrriah noh ya ki BSF kiwa em ha Sonapur, ynne won da lai boddien ya ini i kaam deiwa yachem wa u DC ka East Jaiñtia Hills District, A. Baranwal yow paan pynche lada da pynkrehkaam yaka District Coordination Committee kawa toh u emlang u Commandant ki BSF kam u dkhot deilang wa ki waheh chnong.
Neiliang u DC da pyntip u wa daw chong yachem smat waki BSF yow pynbait noh yeini i chong ki ha Sonapur wei neiliang ka yung krehkaam yong oo nadooh nachwa leh dadep ki wow thoh cha ki BSF heiyatoh wa i ini i chem chitom ki paidbah ka thaaiñ deiwa em ki heini i thaw.
Ka seiñ da kyntu ko ya u DC wow leh yeiwa emkaam kam u Chairman ka District Coordination Committee deiwa ong leh wym yahaap hi u em ki BSF ha kani ka thaw kiwa toh u em cha khappood ymtoh cha ki sarokbah.
U DC da pyntip u leh wa hadien wa da dep u yachem waki BSF, ya iwon iwon i rai wa mih daw pyntip cha ka seiñ kamjooh cha ki bor wa haneiñ yow leh ki yeiwa emkaam.
Ka seiñ da ong ko wa daw booddien ko yeini i kaam yow man soh kamwa da yooluti ki paidbah.
Discussion about this post