Ka JSU Laskeiñ Block Circle hei yahkhmat u President u Dapmaiñ Suchiang deilang wa u Secretary u Franky Shylla da lai yachem ki wa u sahep yong ka PHE ha Jowai uwa pait ya kani ka thaaiñ heiyatoh wa ka Scheme saam um kawa da sah da ki phaw snem.
Ka seiñ da ong ko wa ka Greater Raliang Water Supply Scheme (GRWSS) toh ka Scheme wa da yoh poisa na ka chnat Ministry of Development of North East Region (DONER) kawa da e poisa T. 21.26 klur yow pynpoi um cha ki 30 tylli ki chnong kani ka thaaiñ.
Ka seiñ da pyntip ko wa neiliang u sahep da batai che u ya i daw wa sahteiñ kani ka Project wei da kular u wa neiliang ka chnat PHE u pyndep noh ko ya kani ka Project wa dang sahteiñ.
Ka seiñ da ong ko leh wa kiwa chong chnong yong ki 30 tylli ki chnong da yooluti ki wow yoh smat ya kani ka um kawa toh u pynpoi ha man ki thlu yung yong kiwa chong chnong kani ka thaaiñ. Ka seiñ da kyntu ko ya ka chnat wow leh ki ya iwa emkaam khnang yow ye u pyndep smat ya katai ka Project.
Ka kyrwoh na u Publicity Secretary u Heiborki Suchiang.
