Ka KSU Jaiñtia Hills District da lai yachem biang ko ya u District Commandant Home Guard ynne ka sngi yow yaklam biang yei wym su yaka nong sngi ki Home Guard Volunteers kawa da sah kamwa 186 sngi kiwa man leh ki sngi wa da kreh ki neibynta wow yada nei poor u COVID-19 hapoh ka West Jaiñtia Hills District.
Haka sngi nyngkong uni u bnai, neiliang ka seiñ da dep ko wow lai yachem ya u District Commandant Home Guard hajrong kani ka jooh ka kaam uwa da kular wow chimkhia ya kani ka kaam. Wei hadien ini ka seiñ da lai yachem ko wa u Deputy commissioner ka West Jaiñtia Hills District yow leh u ya iwa emkaam.
Ynne ka sngi, neiliang yong u District Commandant Home Guard da ong won u wa ym ye u wow leh iwon iwon neibhah wa ini toh i kamram yong ki bor District wow leh ya ini i kaam.
Ka seiñ hi jarong ini da dawa biang ko sa chisien wow pynlait noh yaka nong sngi hapoh uni u bnai wei lada ym leh ya ini, daw chim da ki luti kiwa eh wei lada em iwon iwon i awri awra hapoh ka District, ka yung krehkaam yong u Commandant wa ka District Administration daw hap ki wow kitkhlieh.
