theme-sticky-logo-alt
theme-logo-alt

Lai booh dorkat ka HANM Narpuh Circle yow dawa booh Lineman

Ka seiñ HANM Narpuh Circle ynne hapoh i yahkhmat u President, u Pyndap Syiemlieh da lai booh dorkhat ki ha u Executive Engineer ka MePDCL Khliehriat yow dawa Lineman u wow pait yow lait nei thut bordiñ hapoh ka thaaiñ.

Ka seiñ da ong ko wa katkam wa man katni, ka Narpuh nadooh ka chnong Lumshnong hadooh Nongsning da em du uwi u Lineman wa pait, kamtæ ka seiñ hawa yoh ko wow yaklam wa utai u Lineman da ong wa chem chitom u wow pynchna hawa thut i bordiñ neibhah wym em bru wa pait wa yarap.

Kamtæ neiliang ka seiñ da kyrpaad joor ko ya ka yung krehkaam u Executive Engineer ka MePDCL wow chimkhia ya ini i eh wa kiwa chong chnong da maad ki neipor chei por wa joor ware dooh bordiñ khamtam wa ktah joor ya ki khon khynroo ha ka puræ puthi yong ki.

Chooh chooh ka seiñ da ong ko wa daw booddien ko ya ini i dawa wow pynyoh Lineman, pynkut ka kyrwoh na u Publicity Secretary ka seiñ u S. Pala.

Share this:
Previous

Da chem ya kawi ka Debit Card wa da ieh ha ATM wa em ha yung krehkaam u DC

Next

Dei psiang wa dadep khleh chwa pyrchang chna yei bynta u sarok ha Jowai