May 20, 2023
Ka seiñ Achik Conscious Holistically Integrated Krima (ACHIK) da ong ko wa da yoo jlep i leh Drama u MLA ka VPP hajrong ka Reservation Policy deiwa ong wa lada ym mynjur u ya iwon iwon i rai ka yung bichaar toh u lai yaleh u wow yakhun hapoh ka yung bichaar katkam ka rukom ka synchaar paidbah yow bichaar katkam ka aiñ.
Da ong wa lada u Ardent Basaiawmoit da sñiaw u wa da chah ktah chiliang nei rai ka High Court, toh u lai u cha ka Supreme Court hajrong ka Reservation Policy yow pynkut syndon ya ini i kaam heithaw wow lai u wow pynsñiaw yaphær jaitbru neibhah kani toh ka kaam neibynta wow yoh yei hok wei deiwa man salonsar.
Chooh chooh da ong wa lada u Ardent sñiaw u wa da chah pyndooh yei hok iwa toh u yoh, toh u lai bait u cha ka Supreme Court ymtoh wow pynkulmar.
Kamtæ da ong wa ini i leh u toh wa ak phlim u yow pynmuja paidbah hawa tip u em da kiwi ki laad.
Da maham leh ya u Ardent wa lada pyndooh tang 0.01% i hok ki A’chik na ka Reservation Policy, daw yachem wa oo hapoh ka Supreme Court.
