Lai chimbynta ka Meghalaya haka Women’s U-19 One Day Trophy wa pynman da ka BCCI

Ka Meghalaya Cricket Association da pyn-eh-daw pyn-eh-nasib ko ya kiwa yalehke Cricket ka jylla kiwa lai chimbynta ha ka Women’s U-19 One Day Trophy ha Surat kawa daw pynman nadooh ka 8 tarik uni u bnai da ka BCCI.

Ha ka yalang wa da pynman chwa wow lai mih kini kiwa yalehke ka jylla, da emlang u President, u Naba Bhattacharjee, u Honorary Secretary, u Gideon Kharkongor, u Honorary Treasurer, u Dhrubajyoti Thakuria wa u Apex Council Member, u Peter Macdonald Kharsawian.

Kini kiwa yalehke toh kiwa em 15 ngut wei da yoh ki ya ki kyntien e mynsien wei da pynbna leh yei pyrtuid ka Captain da ka Ankita Sharma katwa ka Vice-Captain won ka Dubleen Nengnong. Kini ki ar ngut toh kiwa da lehbha ha ka MCA U-19 Girls’ Inter District Cricket Tournament wei waroh hi kiwa da chah jied toh ki kynthai wa da lehbha ha ki yalehke wa da pynman hapoh ka jylla hi.

Ka Meghalaya daw hap yachem ko wa kiwa rap chyrkhei kam ka Tamil Nadu wa Maharashtra tangwa u Bhattacharjee da pynchlur u ya kiwa yalehke wym toh u tieñ u artatien ki.

“Lada biang tang i man ryntih wa i raikut waroh kiwi daw bood ki. Ym toh wow em i mynsien wa sñiaw wa kiwi rap hoi ki bar ya i neibhah wa i ym em kom i,” da ong u Bhattacharjee.

Neiliang won u Kharkongor da ban joor yei emkaam wow man kiwa chait wa khiah deiwa ong, “Phi toh ka mynried kiwa yalehke Cricket ka Meghalaya wei daw em ka luti wa sam chakhmat ya phi hadooh wow mihkhmat ya ka ri wei kani toh u man ka thong yong phi hawa lai chimbynta phi ha kani ka Tournament.”

Neiliang ka Head Coach, ka Ranjana Yadav da yaroh ko yei sap kini ki kynthai kiwa da yoh ko wow pynkhreh nadooh ka 25 tarik u Naikhynde.

Neiliang won ka Captain waka Vice-Captain da ong ki wa da pdiang ki yei yukit deiwa yooluti wei kyrmen wa daw lehbha ki waroh neibynta ka Meghalaya.

Kiwa yalehke ka Meghalaya: Dianchidora N Sangma, Dubleen D Nengnong, Indariakor Kharwanniang, Fennysha Nongrum, Ankita Sharma, Kambesa Agitok, Abiezer Kharsyiem, Janicka R Marak, Monica Singh, Emisakani Warjri, Rikmanchi M Sangma, Jayshree Singh, Awesa G Momin, Jaylynn R Marak, Natasha Rabha

Ki Standby: Julitha Marak, Sistilin Ryntathiang, Banrikmen Lyngdoh, Marme M Sangma

Support Staff: Ranjana Yadav (head coach), Marty Mustafa (assistant coach), Helyna D Sangma (trainer), Lucky Mary Marbaniang (physio), Baiahun Mylliemngap (manager)

Meghalaya Fixtures: