Ka seiñ All Jaiñtia Muster Rolls Workers & Labour Union (CEC), Jaiñtia Hills Districts, da wan ko wow ya chimbynta ha i esikai hajrong ka Fundamental of Labour Laws neibynta ki Trade Union Leaders wa ki NGO ka thaaiñ Northeast kawa pynman nadooh ka 2 tarik hadooh ka 6 tarik uni u bnai.
Yaka seiñ ki Muster Roll da khut daka V.V.Giri National Labour Institute, Noida, Uttar Pradesh, ka chnat ka Ministry of Labour ka sorkar bei India, lyngba u Deputy Commissioner ka West Jaiñtia hills District, Jowai.
Ya ki dkhot ka Union da yahkhmat da u K.L. Pariat, President ka seiñbei, ka Basicdora Thubru, ka Daribha Talang, ka Wandalanki Dkhar waka Datiknabha Talang. Ha kani ka esikai da klam chaphang ki aiñ kiwa yatoh waka Labour law, Maternity Benefits Act, Labour Code on Wages, Role of Communication, Human Rights, Constitutional Framework of Labour Law in India, ka Contract Labour waka Inter State Migrants Workers in India.
Na kani ka esikai da yoh chiboon ki myntoi wa ki yutip waphær waphær kiwa da pynsñiawthooh yei emkaam ki aiñ ki kyndon ki wow yada ya i hok yong ki wakreh mylla nadooh ki wakreh kam ki Muster Roll ha ka sorkar, hadooh ki wakreh mylla ha ki karkhana kamjooh kiwa chong dai ha ki dukan ha kani ka jylla Meghalaya, khamtam ha ri-loom Jaiñtia.
Da wan wow e sikai da u S. Nath (Retd) Secretary Labour Ministry GOI, Dr. Sanjay Upadhyaya, u Sunil Bakshi Labour Law Consultant, u Dr. M.M. Rehman, u D.P. Singh Chief Labour Commissioner (Retd) Government of India, Justice Pankaj Kumar (Retd) Labour Court Uttar Pradesh wa kiwi kiwi de.
Ha ka sngi wa kut yong ka e sikai, da wan wow e yei klam da u Dr. H. Srinavas, Director General yong ka VVGNLI wei ha i jooh i por da saam ya ki Certificate cha kiwa ya chimbynta ha kani ka Training Programme.
Napoh ka jylla Meghalaya da chah khut du ka seiñ ki Muster Roll.
Discussion about this post